எங்கள் மீது பாயும் அமெரிக்கா இஸ்ரேலை கண்டிக்காதது ஏன்? – ஈரான் அதிபர் பாய்ச்சல்

ஐ.நா : எங்கள் மீது பாயும் அமெரிக்கா அணு ஆயுதங்களைக் குவித்துக் கொண்டிருக்கும் இஸ்ரேல் நாட்டைக் கண்டிக்காதது ஏன் என்று ஈரான் அதிபர் அகமதி நிஜாத் கேட்டுள்ளார்.

ஐ.நா. சார்பில் அணு ஆயுதப் பரவல் தடுப்பு ஒப்பந்தம் தொடர்பான மாநாடு கூட்டப்பட்டுள்ளது. இதில் கலந்து கொண்டு பேசிய ஈரான் அதிபருக்கும், அமெரிக்க வெளியுறவு அமைச்சர்.ஹில்லாரி கிளிண்டனுக்கும் இடையே கடும் வாக்குவாதம் மூண்டது.

அகமதிநிஜாத் பேசுகையில், முதன் முதலில் அணுகுண்டை உருவாக்கி அதை பயன்படுத்தியது அமெரிக்காதான். இன்றும் கூட அது பெருமளவில் அணு ஆயுதங்களை குவித்து வைத்துள்ளது. அணு ஆயுதப் பரவலை உருவாக்கியதே அமெரிக்காதான். ஆனால் மற்ற நாடுகள் அணு ஆயுதங்களை வைத்துக் கொள்ளக் கூடாது என்று மிரட்டி வருகிறது.

ஈரான் அணு ஆயுதங்களை வைத்துக் கொள்ளக் கூடாது என்று கூறி வரும் அமெரிக்கா, இஸ்ரேல் மீது கவனம் செலுத்தாதது ஏன். இஸ்ரேல் அணு ஆயுதங்களைக் குவித்து வருவதை கண்டிக்காதது ஏன்.பிற நாடுகளுக்கு எதிராக அணு ஆயுதங்களை வைத்து மிரட்டுவதோடு, பயன்படுத்தவும் தயங்காத அமெரிக்கா, தொடர்ந்து ஈரானை மட்டும் சாடி வருவது வருத்தத்திற்குரியது என்றார்.

பின்னர் பேசிய ஹில்லாரி கிளிண்டன், அகமதிநிஜாத்தின் பேச்சு எதிர்பார்த்த ஒன்றுதான், வியப்பளிப்பதாக இல்லை என்றார்.

முஸ்லீம்களின் சுதந்திரத்தை பறித்தவர்கள் விடுதலைப் புலிகள் - இலங்கை அதிபர்.ராஜபக்சே

கொழும்பு: யாழ்ப்பாணம், வவுனியா, மன்னார் மாவட்டங்களில் பிற சமூகத்தினருடன் சுமூகமான முறையில் வாழ்ந்து வந்த முஸ்லீ்ம்கள விரட்டியடித்து அவர்களின் சுதந்திரத்தைப் பறித்தவர்கள் விடுதலைப் புலிகள் என்று கூறியுள்ளார் இலங்கை அதிபர்.ராஜபக்சே.

கொழும்பில் உள்ள தனது அதிகாரப்பூர்வ இல்லத்தில் முஸ்லீம் பெண்களிடையே இன்று ராஜபக்சே பேசினார்.அப்போது அவர் கூறுகையில்,90களில் இந்த மூன்று மாவட்டங்களிலும் முஸ்லீகளை விரட்டியடிக்கும் வேலையில் ஈடுபட்டிருந்தனர் விடுதலைப் புலிகள்.

முல்லைத்தீவு, யாழ்ப்பாணம், மன்னார் மாவட்டங்களில் பிற சமூகத்தினருடன் இணக்கமாக வாழ்ந்து வந்த முஸ்லீம்களுக்கும், பிற சமூகத்தினருக்கும் இடையிலான ஒற்றுமையை, நல்லிணக்கத்தை சீர்குலைத்தவர்கள் புலிகள்.

அங்கிருந்து விரட்டப்பட்ட முஸ்லீம்கள் அகதிகளாக புத்தளம் மாவட்டத்தில் உள்ள முகாம்களில் தற்போது வாழ்ந்து வருகின்ரனர். இவர்களை சொந்த ஊர்களுக்கு மீள் குடியேற்றும் செய்யும் நடவடிக்கைள் விரைவில் தொடங்கும்.

இலங்கையில் அனைத்து சமூகத்தினருக்கும் இடையிலான உறவு வலுவாகவே உள்ளது. வடக்கு மாகாணத்திற்கு வடக்கில் வசந்தம் திட்டத்தின் கீழ் பல்வேறு நலத் திட்டங்களை அமல்படுத்தி வருகிறோம் என்றார் ராஜபக்சே.

புதுசு புதுசா உணவில் இப்படியும் கலப்படம்...!!

உணவில் எப்படியெல்லாம் கலப்படம் செய்யலாம் என சிலர் 'ரூம் போட்டு யோசிப்பார்கள்' போல் இருக்கிறது. விலைவாசி உயர்வால்,செலவைக் குறைப்பதற்காக விதம் வித மாய் கலப்பட உத்திகளை மதுரையில் கண்டுபிடித்துள்ளனர்.முன்பெல்லாம் அரிசியில் கல்லை கலப்பது,பாலில் தண்ணீரை கலப்பது,ஆட்டிறைச்சியில் மாட்டிறைச்சியை கலப்பது தான் அதிகபட்ச கலப்படமாக இருந்தது.இப்போது நினைத்து பார்க்க முடியாத வகையில் கலப்படங்கள் நடக்கின்றன.

அவற்றின் பட்டியல் இதோ:

* பாலில் ஜவ்வரிசியை துணியில் கட்டி போட்டு விடுவர்.இப்போது கெட்டியான பால் ரெடி.

* டீத்தூளில் முந்திரி தோல், புளியங்கொட்டை தோல், மஞ்சணத்தி இலைகளை கலக்கின்றனர். திடமான டீ தயார்.

* பழைய சோற்றை துணியில் கட்டி, வடித்துவிட்டு, மிக்சியில் போட்டு அடித்து, அதை வெண்ணெயுடன் கலக்கின்றனர். பார்க்க வித்தியாசம் தெரியாது. உருக்கினால் நெய் வராத வெண்ணெய் இது. பட்டர் பன் தயாரிக்க இது பயன்படுகிறது.

*நெய்யில் வனஸ்பதியை கலந்து, 'சுத்தமான பசு நெய்' என்று கூறி, விற்றுவிடுவர்.

* புதிதாக தயாரித்த புரோட்டாவுடன் பழைய புரோட்டாவை கலந்து விடுவர். 'கொத்து புரோட்டா' கேட்டால், பழைய புரோட்டாவில் குருமா, முட்டையை ஊற்றி, வெங்காயம், தக்காளியை வதக்கி, 'மணக்க, மணக்க' தந்துவிடுவர். நாக்கை சப்புக்கொட்டியபடி, நாம் சாப்பிட வேண்டியது தான்.

* மீன் மார்க்கெட்டுகளில் ஓரமாக சேரும் கழிவு மீன்களை, குறைந்த விலைக்கு வாங்கி வந்து, மாலையில் கடை போட்டு, 'செக்கச் செவேல்' என மசாலா தடவி, 'சுடச்சுட பொறித்த மீன்' என்று கூறி, வாசம் மூக்கைத் துளைக்க, ஊரைக் கூட்டி விற்று விடுவர். பெரும்பாலும் 'டாஸ்மாக்' கடைகளுக்கு அருகில் இவர்கள் கடை விரிக்கின்றனர்.

* ரோட்டோரத்தில் மலிவு விலையில், அண்டாக்களில் ஆவி பறக்க, 'கம, கம' மணத்தையும் பரப்பியபடி, பார்ப்பவர்களின் பசியை தூண்டும் பிரியாணியில், நெய் அல்லது ரீபைண்ட் ஆயிலுக்குப் பதில் மாட்டு கொழுப்பு எண் ணெய்யை கலக்கின்றனர். இதைத் தொடர்ந்து சாப்பிட் டால், இதய நோயை நாமே வலிய இழுத்து வருவதற்குச் சமம்.

* கோடை காலத்தில், கலர் கலராய், ஜூஸ் என்ற பெயரில் குளிர்ச்சியாக விற்கப்படும் திரவங்களில் சர்க்கரைக்குப் பதில், 'சாக்கரின்' கலக்கின்றனர். இதனால் வயிற்று வலி, வயிற்றுப் போக்கு உறுதி. பெரும்பாலும் வைகை கரையோரங்களில் இக்கடைகளை காணலாம்.

* கறிக்கோழியின் கழிவு, நோயால் இறந்த கோழி... இவற்றை'ஓசி'யில் வாங்கி வந்து, கவர்ச்சியான கலரில் மசால் தடவி, 'சிக்கன் 65' என்ற பெயரில், 100 கிராம் 12 ரூபாய்க்கு விற்கின்றனர். இதில் நோயை பரப்பும் அனைத்து கிருமிகளும் 'ஆஜர்' ஆகியிருக்கும்.

* இட்லி மாவில் பழைய சோற்றை ஆட்டி கலந்து, விற்கின்றனர். மல்லிகைப்பூ இட்லிக்கு சூப்பர் மாவு ரோட்டோரம் ரெடி.

* சில ஓட்டல்களில் அரிசி உலை வைக்கும்போதே சுண்ணாம்பை துணியில் கட்டி, அரிசியுடன் சேர்த்து கொதிக்க வைப்பர். இதில் வெந்த சோறு, 'விரைப்பாக' இருக்கும். அதிகம் சாப்பிட முடியாது. ஓட்டல்காரர்களுக்கு அரிசி செலவு குறையும்.இப்படி நம்மூரில் புதுப்புது உருவில் புதுப்புது கலப்படம் நடக்கிறது.பொதுமக்களே உஷார்: நமக்கு தெரிந்தவை இவை. தெரியாமல் இன்னமும் நிறைய கலப்படங்கள் நடக்கின்றன. இனியும் புதிய உத்திகள் கண்டுபிடிக்கப்படலாம். எனவே, 'அதிகாரிகள் நடவடிக்கை எடுக்கவில்லை' என்று குறை கூறிக்கொண்டு இருக்காமல், பொதுமக்களும் கவனமாக இருக்க வேண்டும். எங்கும் சாப்பிடும் முன், அந்த கடையின் சுகாதாரம் பற்றி கொஞ்சம் தெரிந்து கொள்வது நல்லது.

பொது மக்களே உஷார்..!!

மெக்காவில் சர்வதேச விமான நிலையம் அமைக்க முடிவு

ரியாத்: புனித நகரான மெக்காவில் சர்வதேச விமான நிலையம் ஒன்றை அமைக்க சவூதி அரேபியாவின் ஷௌரா கவுன்சில் முடிவு செய்துள்ளது.

மெக்காவுக்கு வெளியே இந்த விமான நிலையம் அமையும்.ஷௌரா கவுன்சில் கூட்டம் அதன் தலைவர் அப்துல்லா அல் ஷேக் தலைமையில் நடந்தது.அப்போது, மக்கா விமான நிலையம் தொடர்பாக சிவில் விமானப் போக்குவரத்துத்துறையின் வருடாந்திர அறிக்கை வைக்கப்பட்டு விவாதிக்கப்பட்டது.

பின்னர் விமான நிலையம் அமைக்க கவுன்சில் கூட்டத்தில் ஏக மனதாக ஒப்புதல் தரப்பட்டது.
முஸ்லீம்களும்,முஸ்லீம் அல்லாதவர்களும் வந்து போக வசதியாக மெக்கா நகருக்கு வெளியே இந்த விமானநிலையத்தை அமைக்கவுள்ளனர்.இந்த புதிய விமான நிலையம் மூலம்,ஹஜ் மற்றும் உம்ரா புனித பயணம் மேற்கொள்ளும் யாத்ரீகர்கள் பலனடைய முடியும்

விவசாயிகள் தற்கொலைக்கு ஒரே தீர்வு இஸ்லாமிய வங்கிமுறை மட்டுமே!

வேளாண் விஞ்ஞானி எம்.எஸ்.சுவாமிநாதன் பேச்சு :

கடன்சுமை தாளாமல் விவசாயிகள் தற்கொலை செய்து கொள்வது நம்நாட்டில் தொடர்கதையாகி விட்டது.சென்ற வாரம் கூட விதர்பா பகுதியில் 30 விவசாயிகள் கடன் கொடுமையைத் தாங்க முடியாமல் தற்கொலை செய்து கொண்டனர்.

இது குறித்து ஒரு விழாவில் கருத்து கூறிய பிரபல வேளாண் விஞ்ஞானி எம்.எஸ்.சுவாமிநாதன், இஸ்லாமிய வங்கி முறையால் மட்டுமே இத்தகையத் தற்கொலைகளைத் தடுத்து நிறுத்த முடியும் என்று ஆணித்தரமாக எடுத்துரைத்துள்ளார்.

விவசாயிகள் தற்கொலை செய்து கொள்வதற்குக் காரணம், கடனை செலுத்த முடியாமை அல்ல, அந்தக் கடனுக்கு விதிக்கப்படும் கொடுமை யான வட்டியைக் கட்டமுடியாமையே.

விவசாயிகள் மட்டுமின்றி, ஏழை எளிய மக்கள் கந்து வட்டிக் கொடுமை யின் காரணமாக, குடும்பத்துடன் தற்கொலை செய்து கொள்கிற செய்தி கள் அடிக்கடி நெஞ்சைச் சுடுகின்றன.

வட்டியில்லாத கடனை வழங்கும் இஸ்லாமிய வங்கிமுறையே, இந்தக் கொடுமைகளுக்கு ஒரே தீர்வு என சென்னையில் நடைபெற்ற ‘கருணா ரத்னா’ விருதுகள் வழங்கும் விழாவில் எம்.எஸ்.சுவாமி நாதன் பேசியுள்ளார்.

அகிம்சை,மரக்களி உணவு,சுற்றுப் புறச்சூழல் ஆகிய தளங்களின் சிறந்த சேவை ஆற்றுவோருக்கு கருணா ரத்னா விருது வழங்கப்படுகிறது.இவ்வாண்டு பத்மஸ்ரீ முசாபர் ஹூசேன், சின்னி கிருஷ்ணா, நந்திதா கிருஷ்ணா ஆகியோருக்கு விருதும் 1 லட்ச ரூபாய் பொறிகிழியும் வழங்கப்பட்டது.

இந்நிகழ்ச்சியில் விருதுகளை வழங்கிய எம்.எஸ்.சுவாமிநாதன் இஸ்லாமிய வங்கி முறையே தேசத்தின் பிரச்சினைக்குத் தீர்வு என்றுள்ளார். சு.சுவாமி என்ற அரசியல் தரகரோ, கேரள அரசு இஸ்லாமிய வங்கியைத் தொடங்குவதற்குத் தடை விதிக்குமாறு வழக்குப் போடுகிறார். எம்.எஸ்.சுவாமி நாதன் உரையை கேட்டாவது, சுப்ரமணியசுவாமி திருந்த வேண்டும்.

--------------------------------
உங்களுக்காக
ஆயங்குடி.ஹலிபுல்லாஹ்
சவுதி அரேபியா
--------------------------------

செல்வங்களில் மிகவும் மேலானது நல்ல மனைவியே

''இவ்வுலகம் முழுவதும் பயனளிக்கும் செல்வங்களே!பயனளிக்கும் இவ்வுலகச் செல்வங்களில் மிகவும் மேலானது நல்ல மனைவியே!'' என நபி ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: அப்துல்லாஹ் இப்னு அம்ர் இப்னு அல்ஆஸ் நூல்:முஸ்லிம் 2911)

''அல்லாஹ்வின் திருப்தியை மட்டுமே நாடி நீர் எதைச் செலவு செய்தாலும் அதற்காகக் கூலி வழங்கப்படுவீர்.உமது மனைவியின் வாயில் நீர் ஊட்டும் உணவு உட்பட''என்று அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூறினார்கள்.(அறிவிப்பவர்:ஸஃத் பின் அபீவக்காஸ் ரளியல்லாஹு அன்ஹு, நூல்: புகாரி 56)

''உண்ணும் போதும்,உடுத்தும் போதும் மனைவியை விட்டு விடாதீர்கள்.மனைவியிடம்
வெறுப்பை வீட்டிலே தவிர வேறெங்கும் வெளிப்படுத்தாதீர்கள்.''(அறிவிப்பாளர்: முஆவியா ரளியல்லாஹு அன்ஹு. நூல்: அஹ்மத் 19160)

''இறை நம்பிக்கை கொண்ட ஓர் ஆண் இறை நம்பிக்கையுள்ள ஒரு பெண்ணை (முழுமையாக) வெறுத்து ஒதுக்க வேண்டாம். அவளிடமிருந்து அவர் ஒரு குணத்தை வெறுத்தாலும் மற்றொரு குணத்தைக் கண்டு திருப்தி கொள்ளட்டும்'' என நபி ஸல்லல்லாஹு அலைஹி வஸல்லம் அவர்கள் கூறினார்கள்.(அறிவிப்பவர்: அபூஹுரைரா ரளியல்லாஹு அன்ஹு,நூல்: முஸ்லிம் 2915)

''பெண் (வளைந்த) விலா எலும்பிலிருந்து படைக்கப்பட்டிருக்கிறாள்.ஒரே (குண) வழியில்
உனக்கு அவள் ஒருபோதும் இணங்கமாட்டாள் அவளை நீ அனுபவித்துக்கொண்டே இருந்தால்
அவளின் கோணல் இருக்கவே அனுபவிக்க வேண்டியது தான். அவளை நீ (ஒரேயடியாக)
நிமிர்த்தப்போனால் அவளை ஒடித்தே விடுவாய். அவளை ஒடிப்பது என்பது அவளை மணவிலக்கச் செய்வதாகும்''என நபி ஸல்லல்லாஹு அலைஹி வஸல்லம் அவர்கள் சொன்னார்கள். (அறிவிப்பவர்:அபூஹுரைரா ரளியல்லாஹு அன்ஹு, நூல்: முஸ்லிம் 2913)

''நீங்கள் உங்கள் மனைவியரை அடிமையைப் போல் அடிக்க வேண்டாம்.பிறகு அதே நாளின்
இறுதியில் அவர்களுடனேயே உறவு கொள்வீர்கள்''என்று நபி ஸல்லல்லாஹு அலைஹி
வஸல்லம் அவர்கள் கூறினார்கள்.(அறிவிப்பவர்: அப்துல்லாஹ் பின் ஸம்ஆ ரளியல்லாஹு அன்ஹு, நூல்:புகாரி 5204)

ஒரு மனிதர் நபியவர்களிடம் ''மனைவிக்குக் கணவன் செய்ய வேண்டிய கடமைகள்
என்ன?'' என்று கேட்டார் அதற்கு நபி ஸல்லல்லாஹு அலைஹி வஸல்லம் அவர்கள், ''நீ உண்ணும் போது அவளுக்கு உணவளிப்பதும் நீ அணியும் போது அவளுக்கு அணிவிப்பதும் (கண்டிக்கும் போது) முகத்தில் அடிக்காதிருப்பதும் கெட்ட வார்த்தைகளைப் பயன்படுத்தாமல்
இருப்பதும் வீட்டில் தவிர மற்ற இடங்களில் வெறுக்காமல் இருப்பதும் ஆகும்'' என்று
கூறினார்கள். (அறிவிப்பவர்: முஆவியா பின் ஹைதர் ரளியல்லாஹு அன்ஹு, நூல்கள்:
அபூதாவூத் 1830, அஹ்மத் 19162)

''இறை நம்பிக்கை கொண்ட வர்களில் முழுமையான நம்பிக்கை கொண்டவர் அவர்களில்
நற்குணம் கொண்டவரே! உங்களில் சிறந்தவர் உங்கள் மனைவியரிடம் நற்பண்பால் சிறந்து
விளங்குபவரே!'' என்று நபி ஸல்லல்லாஹு அலைஹி வஸல்லம் அவர்கள் கூறினார்கள். (
அறிவிப்பவர்: அபூஹுரைரா ரளியல்லாஹு அன்ஹு, நூல்: திர்மதி 1082)
''தன் பொறுப்பில் உள்ளவர்களை (கவனிக்காமல்) வீணாக்குவது அவன் பாவி என்பதற்குப்
போதுமானதாகும்'' என்று நபி ஸல்லல்லாஹு அலைஹி வஸல்லம் அவர்கள் சொன்னார்கள்.(அறிவிப்பாளர்:அப்துல்லாஹ் இப்னு அம்ர் ரளியல்லாஹு அன்ஹு,நூல்:அபூதாவூத் 1442)

''உங்களில் ஒவ்வொருவரும் பொறுப்பாளர் ஆவார். தன் பொறுப்புக்கு உட்பட்டவை பற்றி
அவர் விசாரிக்கப்படுவார். ஆட்சித் தலைவரும் பொறுப்பாளரே! தன் தன் குடிமக்கள்
பற்றி அவர் விசாரிக்கப்படுவார். ஆண்மகன் (குடும்பத் தலைவன்) தன் மனைவி மக்களின்
பொறுப்பாளன் ஆவான். தன் பொறுப்புக்கு உட்பட்டவர்கள் பற்றி அவன்
விசாரிக்கப்படுவான். பெண் (மனைவி) தன் கணவனின் வீட்டிற்கும் அவனுடைய
குழந்தைகளுக்கும் பொறுப்பாளி ஆவாள். தன் பொறுப்புக்கு உட்பட்டவை குறித்து அவள்
விசாரிக்கப்படுவாள். பணியாள் தன் எஜமானின் உடமைகளுக்குப் பொறுப்பாளியாவான். அவனும் தன் பொறுப்புக்கு உட்பட்டவை குறித்து விசாரிக்கப்படுவான்'' என நபி ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பாளர்: அப்துல்லாஹ் பின் உமர் ரளியல்லாஹு அன்ஹு, நூல்: புகாரீ 5200)

''நபி ஸல்லல்லாஹு அலைஹி வஸல்லம் அவர்கள் தமது மனைவியர்களில் ஒருவரிடம்
இருந்தார்கள். மூமின்களின் அன்னையரில் ஒருவர் பணிப்பெண் ஒருவரிடம் உணவுள்ள
தட்டு ஒன்றைக் கொடுத்தனுப்பினார்கள். வீட்டிலிருந்த நபி அவர்களின் (மற்றொரு) மனைவி
அந்தப் பணிப் பெண்ணின் கையைத் தட்டி அதை உடைத்து விட்டார்கள். நபி (ஸல்லல்லாஹு
அலைஹி வஸல்லம்) அவர்கள் அந்த உடைந்த தட்டை ஒன்று சேர்த்து உணவை அதில் எடுத்து வைத்து (தம் தோழர்களிடம்) உண்ணுங்கள் என்று கூறினார்கள். அவர்கள் உண்டு
முடிக்கும் வரை தட்டையும் அதைக் கொண்டு வந்த பணிப் பெண்ணையும் அங்கேயே
நிறுத்திக் கொண்டார்கள். (அனைவரும் உண்டு முடித்த பின்பு) உடைந்த தட்டைத்
தம்மிடமே வைத்துக் கொண்டு (உடையாத) நல்ல தட்டைக் கொடுத்து விட்டார்கள்.'' (
அறிவிப்பாளர்: அனஸ் ரளியல்லாஹு அன்ஹு, நூல்: புகாரீ 2481)

--
اللَّهُمَّ رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً
وَقِنَا عَذَابَ النَّارِ

”இறைவா! எங்கள் அதிபதியே! இவ்வுலகிலும் எங்களுக்கு நன்மையை வழங்குவாயாக!
மறுமையிலும் எங்களுக்கு நன்மையையே வழங்குவாயாக. மேலும் நரக நெருப்பின் வேதனையை விட்டும் எங்களை காப்பாற்றுவாயாக!”

காய்கறிகள் பழங்கள் மூலமாக இருதய அடைப்பை நீக்க முடியுமா?

நம் உடம்பிலுள்ள இரத்த நாளங்களில் கொழுப்பு படிந்து இருதய அடைப்பு ஏற்படுகிறது. இந்த இருதய அடைப்பு மாரடைப்புக்கு வழிவகுத்து இறுதியில் மரணத்தின் பிடியில் கொண்டு போய் சேர்த்துவிடும். இந்த இருதய அடைப்பை உடைக்க முடியாதா?நிச்சயம் முடியும். இயற்கை வழியில் செல்லும் எவரும் இருதய அடைப்பு என்ற அபாயத்திலிருந்து தப்பித்துவிடலாம்.

காரட்:தினமும் காரட்டை அதிக அளவில் சேர்த்துக் கொண்டால் (பச்சையாக) இரத்தத்தின் கொலஸ்ட்ரால் அளவு குறைகிறது. நோய் எதிர்ப்பு சக்தியை அதிகரிக்கிறது.

முட்டைக்கோசு: மாரடைப்பு நோய் வரும் வாய்ப்பினைக் குறைக்கிறது.

பீட்ரூட்:ஃபோலிக் ஆசிட், இரும்புச் சத்து பீட்ரூட்டில் உள்ளதால் தொடர்ந்து உண்போர்க்கு இரத்தசோகை நோய் வருவதில்லை. இரத்தக் குழாய்களில் படியும் கொலஸ்ட்ராலைக் குறைக்கிறது.

இஞ்சி: கணுக்கள் சிறிதாக உள்ள இஞ்சியைத் தேர்ந்தெடுங்கள். இஞ்சி இரத்தக் குழாய்களில் ஏற்படும் இரத்த உறைவைத் தடுத்து மாரடைப்பு வராமல் பாதுகாக்கிறது. இரத்த ஓட்டத்தை அதிகரிக்கிறது. வாய்வுத் தொல்லையைப் போக்குகிறது. மூட்டு வலியைக் குறைக்கிறது.

வெங்காயம்:வெங்காயத்தைத் தொடர்ந்து உண்டு வந்தால் இரத்தத்தின் கொலஸ்ட்ரால் அளவு குறைவதோடு இரத்தத்தின் உறை தன்மையும், ஒட்டும் தன்மையும் குறைவதால் மாரடைப்பு நோய் வரவே வராது.மாரடைப்பு போன்ற இருதய நோய்கள் வராமல் தடுக்கும் சக்தி வெங்காயத்திற்கு உண்டு என்று பல ஆராய்ச்சிகள் மூலம் தெளிவாக்கப்பட்டுள்ளது.இரத்தக் குழாய்களில் அடைப்பு ஏற்பட்டு மாரடைப்பு வந்தவர்களும் கூட தினமும் 100 கிராம் வெங்காயத்தைத் தொடர்ந்து உண்டு வந்தால் படிப்படியாக இருதய ரத்த நாளங்களில் உள்ள அடைப்புகள் கரைந்து மறைந்துவிடுவதாக நிரூபிக்கப்பட்டுள்ளது.

ஆப்பிள்:இதில் உள்ள `பெக்டின்' என்ற நார்ச்சத்து இரத்தத்தின் கொலஸ்ட்ரால் அளவைக் குறைப்பது ஆய்வுகளின் மூலம் நிரூபிக்கப்பட்டுள்ளது.
இரத்தத்தில் கொலஸ்ட்ரால் அதிகம் உள்ளவர்கள் தினம் இரண்டு ஆப்பிள் பழங்களைத் தொடர்ந்து மூன்று மாதங்கள் சாப்பிட்டு வந்தால், கொலஸ்ட்ரால் அளவு 10லிருந்து 15 சதவிகிதம் வரை குறைந்துவிடுகிறது. ஆப்பிள் பழத்தில் நோய் எதிர்ப்பு சக்தி அதிகமுள்ளது.

அன்னாசி:இரத்தக் குழாய்களில் ஏற்படும் அடைப்பை நீக்குவதில் அன்னாசி சிறந்து விளங்குகிறது. மேலும், அன்னாசிப் பழத்தை தொடர்ந்து உண்டு வந்தால் இரத்தத்தில் உறையும் தன்மை குறைவதோடு, இரத்தக் குழாய்களில் உள்ள அடைப்புகளும் நீங்கும்.

எலுமிச்சம்பழம்:உடம்பிலுள்ள சிறிய இரத்தக் குழாய்களின் சுவர்களை எலுமிச்சையில் உள்ள சத்துக்கள் உறுதிப்படுத்துவதோடு சிறுநீரகங்களில் இரத்த ஓட்டத்தையும் அதிகரிக்கிறது. எலுமிச்சையில் `பெக்டின்' சத்து உள்ளதால் இரத்தத்திலுள்ள கொலஸ்ட்ரால் அளவைக் குறைக்கிறது.

பூண்டு: இதில் `சாலிசிலிக்' என்ற இரசாயனப் பொருள் உள்ளது. நாம் சாப்பிடும் உணவின் மூலம் இரத்தக் குழாய்களில் அதிக அளவு கொழுப்பு சேர்ந்து அடைப்பை உண்டாக்கும் போது பூண்டிலுள்ள `சாலிசிலிக்' என்ற சத்து அந்த அடைப்பை உடைத்துவிடுகிறது.
தாமரைப்பூவிலும் இச்சத்து உண்டு.

காய்கறிகள் பழங்கள் மூலமாக இருதய அடைப்பை நீக்க முடியுமா? இரத்தக் குழாய்களில் படிந்துள்ள அடைப்பை நீக்குவதில் சுரைக்காய் பலே கில்லாடி! சுரைக்காய் சாற்றை வெறும் வயிற்றில் 200 மிலி மூலம் தொடர்ந்து ஒரு மாதம் குடித்து வந்தால் இரத்தக் குழாய்களில் படிந்துள்ள அடைப்புகள் தவிடு பொடியாகிவிடும்.

இயற்கை அன்னை நமக்கு நல்கிய அற்புதமான காய். இரத்தத்திலுள்ள யூரிக் ஆசிட்டைக் கணிசமாக குறைத்து, இதயத்தின் செயல்பாட்டைச் சுறுசுறுப்பாக இயக்க வல்லது. இரத்தக் குழாய்களில் ஏற்படும் அடைப்பை நீக்குவதில் இதற்கும் பங்கு உண்டு.

தர்ப்பூசணி: இதயத்தைக் குளிரச் செய்து இரத்தக் குழாய்களின் அடைப்பைப் போக்கி இரத்த ஓட்டத்தைச் சீர்படுத்துகிறது.

முள்ளங்கி, வெண்டைக்காய்: இந்தக் காய்களைத் தினசரி காலையில் பச்சையாகச் சாப்பிட்டு வந்தால் இரத்தக் குழாய்களில் படிந்துள்ள அடைப்புகள் மூன்றே மாதங்களில் 80 சதவிகிதம் ஒழிக்கப்பட்டுவிடும். ஆனால் தொடர்ச்சியாக சாப்பிட வேண்டும்.

எனவே, காய்களையும் பழங்களையும் நிறையச் சாப்பிட்டு இரத்தக் குழாய்களில் படிந்துள்ள அடைப்புகளைப் போக்கி மாரடைப்பு நம்மைத் தாக்காத வண்ணம் இன்புற்று வாழலாம்.

ARTICLE BY :
--------------------------------------------
AYANGUDI. KUDDUSIA UBAID
SINGAPORE
--------------------------------------------

சிறப்பு புலனாய்வுக்குழு விசாரணையில் பயங்கரவாதி மோடி!

இந்திய வரலாற்றில் முதன் முறையாக பதவியில் இருந்து கொண்டே ஒரு முதலமைச்சர் விசாரணைக் குழுவின் முன்பாக, அதுவும் இந்தியாவின் நீதிபரிபாலன அமைப்பின் உச்சம் என வர்ணிக்கப்படும் உச்ச நீதிமன்றத்தால் அமைக்கப்பட்ட சிறப்புப்புலனாய்வுக்குழுவின் முன் பாக நேர்நின்றார் ஒருவர். யார் அவர்?

இந்திய அரசியல் வரலாற்றில் பல்வேறு அவப்பெயர்களை அடுக்கடுக்காக பெற்ற குஜராத் முதலமைச்சர் நரேந்திர மோடி தான் இந்த அரும்பெரும் பெருமைக்கு சொந்தக்காரர்.

1. அதிகாரிகளை கடமைகளை செய்ய வேண்டாம் என கட்டளை யிட்ட குற்றம்.
2. இனப்படுகொலைக்கு சூத்ர தாரியாக இருந்தது.
3. கொலைகாரர்களை தண்டிக் காததோடு அரவணைத்த அக்கிரமம்.

4. பாதிக்கப்பட்ட மக்களுக்கான நீதி, நிதி, நிவாரணம் போன்ற வற்றிற்கான எவ்வித நடவடிக்கையும் எடுக்காத இந்த 59 வயது முன்னணி பா.ஜ.க தலைவர், 27-3-2010 அன்று அகமதாபாத்தில் பழைய தலைமைச் செயலக கட்டிட வளாகத்திற்குள் சிறப்புப் புலனாய்வுக் குழுவின் முன்பாக நேர் நின்றார்.

காங்கிரஸின் முன்னாள் நாடாளு மன்ற உறுப்பினர் இஹ்ஸான் ஜாஃப்ரி உள்பட 69பேர் குல்பர்க் மாளிகையில் படுகொலை செய் யப்பட்ட நிகழ்வு தொடர்பாக மோடி விசாரணைக் குழு முன்பாக நேர் நிறுத்தப்பட்டார்.

69 பேர் படுகொலை செய்யப்பட்ட குற்றச் செயல் தொடர்பாக மோடியை நோக்கி 68 கேள்விகள் சரமாரியாக வீசப்பட்டதாக ஷிமிஜி வட்டாரம் தகவல்கள் தெரிவித்தன.

அதில் 62 கேள்விகளுக்கு மட்டும் அவர் விடையளித்ததாகவும் மொத்தம் 10 மணிநேரம் பதிலளித்த அவர் மிகவும் சோர்வடைந்ததாகவும் என்.டி. டி.வி செய்தியாளர் கூறினார்.

தங்களுக்கு நிச்சயம் நீதி கிடைக்கும் என தான் நம்புவதாக படுகொலை செய்யப்பட்ட இஹ்சான் ஜாஃப்ரியின் மனைவியார் ஜாகியா ஜாஃப்ரி தெரிவித்தார்.

நீதியை முடக்கும் விதமாக இதுவரை நடந்து வந்த மோடியை விசாரணைக் குழுவின் முன்பாக நேர் நிறுத்தப்பட்ட நாள் இந்திய ஜனநாயகத்திற்கும் சட்டத்தின் ஆட்சிக்கும் முக்கியமான நாள் என சமூக நல ஆர்வலர் தீஸ்தா செதல் வாட் தெரிவித்தார்.

விசாரணைப்படலத்தில் சிறப்பு விசாரணைக் குழுவின் தலைவர் ஆர்.கே.ராகவன் பங்கேற்கவில்லை. விசாரணைக்குழுவின் அதிகாரியான ஏ.கே. மல்ஹோத்ரா இந்த குறுக்கு விசாரணைக் குழுவிற்கு தலைமை ஏற்றார்.

குஜராத் கலவரம் இனப்படு கொலை குறித்து சரமாரி வினாக்கள் வீசப்பட்டாலும் மோடியின் பதில்கள் குறித்த விவரங்கள் அனைத் தும் உச்சநீதிமன்றத்திற்கு அனுப்பி வைக்கப்படும் என அறிவிக் கப்பட்டுள்ளது.

மோடி விசாரணைக்குழு முன்பாக நேர்நின்றதற்கு மறுநாள் (மார்ச் 28, 2010) குஜராத் சட்டப்பல்கலைக் கழகத்திற்கு பட்டமளிப்பு விழா வில் உச்சநீதிமன்ற தலைமை நீதிபதி கே.ஜி. பாலகிருஷ்ணன், ஜிம்பாப்வே நாட்டின் நீதிபதி அஹ்மத் மூஸா இப்ராஹீம் ஆகிய இருவருடன் இனப்படுகொலை குற்றச்சாட்டில் சிக்கியுள்ள மோடியும் ஒரே மேடையில் சேர்ந்து கலந்து கொள்வது குறித்த சமூக நலஆர்வலர்கள் கடும் அதிருப்தி தெரிவித்துள்ளனர்.

உச்சநீதிமன்றத்தால் நவீன நீரோ மன்னன் என குற்றம்சாட்டப்பட்ட ஒரு நபருடன் உச்சநீதிமன்ற தலைமை நீதிபதி ஒன்றாக விழாவில் பங்கேற்பது ஏற்புடைய ஒன்றா? என அவர்கள் வினா விடுத்துள்ளனர்.

மோடியோடு சேர்ந்து நிகழ்ச்சி களில் பங்கேற்க வேண்டாம் என இந்தியா மற்றும் ஜிம்பாப்வே நீதிபதிகளுக்கு இஹ்சான் ஜாஃப்ரியி மகள் ஜுபேர் ஜாஃப்ரி விடுத்த வேண்டுகோளும் விழலுக்கு இறைத்தநீராயிற்று.

-------------------------
ஆயங்குடி ஹலிபுல்லாஹ்
சவுதி அரேபியா

ஈராக்கில் அதிர்ச்சி தரும் அமெரிக்க படுகொலைகள் !

இரகசிய காணொளி ( Secret Video) - ஈராக்கில் அதிர்ச்சி தரும் அமெரிக்க படுகொலைகள்!

அமெரிக்க வான் படை ஈராக்கிய அப்பாவி மக்களை பச்சை பச்சையாக கொன்று குவிக்கும்
படுகொலைக் காட்சிகளடங்கிய இரகசிய ஒளி நாடா ஒன்று வெளியிடப்பட்டுள்ளது.அமெரிக்க அராஜகத்தை வெளியுலகிற்கு மீண்டும் ஒரு முறை கசிய வைத்திருக்கும் இந்த புதிய வீடியோவினால் பென்டகன் தடுமாறிப் போய் உள்ளதாக செய்திகள் வெளியாகிக் கொண்டிருக்கின்றன..

WikiLeaks என்ற இணையதளம் வெளியிட்டிருக்கின்ற அமெரிக்க இராணுவத்தின் கொலை
இரகசியங்கள் அடங்கிய இந்த அதிர்ச்சியூட்டும் காணொளியில் 2007 ம் ஆண்டு பக்தாத்
நகரில் போராளிகள் என்ற போர்வையில் அப்பாவி மக்களை அமெரிக்க இராணுவம் எப்படி
குறி வைத்து தாக்குகின்றது என்ற உண்மையை உணர்ந்துக் கொள்ளக் கூடியதாய் இருக்கிறது.

அமெரிக்க இராணுவத்தால் அப்பாவி ஈராக்கிய மக்கள் மனிதாபிமானமற்ற முறையில்
கொன்று குவிக்கப்பட்டது மட்டுமல்லாமல், காயப்பட்ட சிறுமி ஒருவரையும்,காயப்பட்ட ஊடகவியலாளர் ஒருவரையும் அவசர சிகிச்சைக்காக கொண்டு செல்ல வந்த வாகனம் ஒன்றின் மீதும் மற்றும் உதவிக்கு வந்தவர்கள் மீதும் நடாத்தும் மிலேச்சத்தனமான தாக்குதல்களையும் இந்த காணொளி உலகிற்கு வெளிச்சம் போட்டு காட்டியிருக்கிறது.தனது ஆயுத வல்லமையினால் முழு உலகையும் அடக்கி ஒடுக்கி தனது ஏகாதிபத்தியத்தின் கீழ் அடிமையாக வைத்திருக்க முயற்சி செய்யும் அமெரிக்கா ஏனைய நாடுகளுக்கு மனித உரிமையை போதித்து வருவதோடு, அதன் அடாவடித்தனங்களுக்கு அடிமைப்படாத நாடுகளுக்கு அச்சுறுத்தல்களையும் விட்டு வருகின்றது.

பல முஸ்லிம் நாடுகள் சுற்றி வர பார்த்திருக்க, பல முஸ்லிம் நாடுகள் அமெரிக்காவோடு மிகவும் நேசமாக உறவு வைத்திருக்கும் போதே இந்த படுகொலைகள் அரங்கேறி வருவது எல்லாவற்றையும் விட கொடுமையானதாகும்.

விடியோவை காண இங்கே கிளிக் செய்யவும் :

http://www.collateralmurder.com/

ஷார்ஜாவில் லுங்கி அணிய தடையா?

ஐக்கிய அரபு எமிரேட்டில் உள்ள ஷார்ஜாவில், பொது இடங்களில் லுங்கி அணிந்து செல்ல தடை விதிக்கப்பட்டுள்ளது. இந்தியா, பாகிஸ்தான், மியான்மர் நாடுகளில் உள்ள முஸ்லிம்கள் லுங்கி அணிவதை வழக்கமாக கொண்டுள்ளனர். இந்த நாடுகளை சேர்ந்த முஸ்லிம்கள் பலர், ஐக்கிய அரபு எமிரேட்டில் பணி புரிகின்றனர். இவர்கள் பொது இடங்களில் லுங்கி அணிந்து சென்று வந்தனர்.

கடந்த வாரம் ஷார்ஜாவில் லுங்கி அணிந்து சென்ற ஆசிய நாட்டவரை போலீசார் கைது செய்துள்ளனர். இதனால், ஐக்கிய அரபு எமிரேட்டில் உள்ள தெற்காசிய நாட்டவர்கள் குழப்பம் அடைந்துள்ளனர். அரசிடமிருந்து முறையான அறிவிப்பு ஏதும் வராத நிலையில் லுங்கி அணிந்து சென்றவரை போலீசார் ஏன் கைது செய்ய வேண்டும், என கேள்வி எழுப்பியுள்ளனர். அரபு நாடுகளை பொறுத்தவரை உடல் முழுக்க மறைக்கும் படியான ஆடைகளை அணிய வேண்டும். 'கைது செய்யப்பட்ட நபர் லுங்கியை இருபுறமும் தைக்காமல் வேட்டியை போல அணிந்து சென்றிருப்பார். இதனால், காற்றில் லுங்கி பறக்கும் போது அவரது கால்கள் மற்றவர்கள் பார்க்கும் படியாக தெரிந்திருக்கும். இதனால், அவர் கைது செய்யப்பட்டிருக்கலாம்' என, கேரள மாநிலத்தை சேர்ந்த ஸ்ரீகுமார் என்பவர் விளக்கம் அளித்துள்ளார். இதனால் அவர், வீட்டைத் தவிர வெளியிடங்களில் லுங்கி அணிவதில்லை, என தெரிவித்துள்ளார்.

மாலேகான் குண்டுவெடிப்பு குற்றப்பத்திரிக்கை திருட்டு போனது!

மாலேகான் மற்றும் மும்பை ரயில் குண்டுவெடிப்பு வழக்குகளின் குற்றப்பத்திரிக்கைகளை அரசு வழக்கறிஞர் ராஜா தாக்கரே அலுவலகத்திலிருந்து மர்ம நபர்கள் திருடிச் சென்றதால் மும்பை காவல்துறை அதிர்ச்சியடைந்துள்ளது.

மகாராஷ்டிராவிலுள்ள மாலேகானில் கடந்த 2006 ஆம் ஆண்டு குண்டுவெடித்ததில் 16 பேரும் 2008 ல் மும்பை புறநகர் ரயில்களில் நடந்த குண்டுவெடிப்பில் சுமார் 100 பேரும் பரிதாபமாக கொல்லப்பட்டனர். இந்த இரு வழக்குகளின் குற்றப்பத்திரிக்கை நீதிமன்றத்தில் ஏற்கெனவே தாக்கல் செய்யப்பட்டு மேல் விசாரணை நடந்து வருகிறது.

இந்த இரு குற்றப்பத்திரிக்கைகளும் அரசு வழக்கறிஞர் ராஜா தாக்கரேயின் அலுவலகத்தில் வைக்கப்பட்டிருந்தன. அவற்றை இரண்டு நாட்களுக்கு முன்னர் அலுவலகத்திலிருந்து மர்ம நபர்கள் திருடிச் சென்று விட்டதாக ராஜா தாக்கரே தெரிவித்துள்ளார். இவற்றின் நகல்கள் காவல்துறையிடமும் நீதிமன்றத்திலும் இருப்பதால் வழக்கு விசாரணையில் எந்தப் பாதிப்பையும் ஏற்படுத்தாது.

ஆனால், இவ்வழக்கு விசாரணையில் சாட்சிகளாக இணைக்கப்பட்டுள்ளவர்களுக்குப்
பிரச்சனை ஏற்படலாம் என அஞ்சப்படுகிறது. சாதாரணமாக,குற்றம்சாட்டப்பட்டவர்களுக்கு வழங்கப்படும் நகலில் அவர்களுக்கு எதிரான அரசு தரப்பு சாட்சிகளைக் குறித்த விவரம் சாட்சிகளின் பாதுகாப்பு கருதி கொடுக்கப்படுவதில்லை. அரசு தரப்பு சாட்சிகள் யார் என்பதை அறிவதற்காக இவை திருடப்பட்டிருக்கலாம் என அஞ்சப்படுகிறது.

அவ்வாறெனில்,அது இவ்வழக்கின் விசாரணையையும் பாதிக்கும் என காவல்துறையினர்
அஞ்சுகின்றனர். குற்றப்பத்திரிக்கைகளைத் துணிச்சலாக அரசு வழக்கறிஞர் அலுவலகத்திலிருந்து திருடிச் சென்றவர்களைக் கண்டுபிடிக்க தீவிர விசாரணை
மேற்கொள்ளப்பட்டுள்ளது.

ஊசி மூலம் ரத்தத்தில் வைரசை செலுத்தி புற்றுநோயை குணப்படுத்தும் சிகிச்சை அறிமுகம்

நம்நாட்டில் 15 லட்சம் முதல் 20 லட்சம் பேர் ஓராண்டில் புற்றுநோயால் பாதிக்கப்படுகின்றனர். சமீபகாலமாக நம்நாட்டில் மார்பக புற்றுநோயை விட கருப்பை வாய் புற்றுநோயால் பாதிக்கப்படும் பெண்களின் எண்ணிக்கை அதிகரித்துள்ளது. இவர்களுக்கு, கீமோ சிகிச்சை மற்றும் கதிர்வீச்சு சிகிச்சை மூலம் புற்றுநோய் செல்கள் அழிக்கப்படுகின்றன. இந்த சிகிச்சையால் முடி கொட்டுதல், வாந்தி, வயிற்றுப்போக்கு ஆகிய பக்க விளைவுகள் ஏற்படுகின்றன. அதுமட்டுமல்லாது, புற்றுநோய் செல்களுடன் ஆரோக்கியமான செல்களும் அழிக்கப்படுகின்றன.

இந்த சிகிச்சைக்கு மாற்றாக புற்றுநோய் செல்களை அழிக்கும் வைரசை ரத்தத்தில் செலுத்தும் முறை கண்டறியப்பட்டுள்ளது. இந்த பரிசோதனை ஏற்கனவே, பிரிட்டனில் நடந்துள்ளது. நல்ல பலன் கிடைத்துள்ளதால், அரியானா மாநிலம் குர்கானில் உள்ள ஆராய்ச்சி மையத்தில் இந்த சோதனை மேற்கொள்ளப்பட உள்ளது. முதல் கட்டமாக 20 முதல் 50 புற்றுநோயாளிகளுக்கு இந்த பரிசோதனை செய்யப்பட உள்ளது. அமெரிக்காவின் கலிபோர்னியா மாநிலத்தில் நோய் எதிர்ப்பு சக்தி இல்லாத எலிகளை கொண்டு ஒரு பரிசோதனை செய்யப்பட்டது. நோய் எதிர்ப்பு சக்தியில்லாத இரண்டு எலிகளின் கட்டியில் ஆன்கோலைட்டிக் வைரஸ்கள் செலுத்தப்பட்டன. இந்த வைரஸ் செலுத்தப்பட்டதும் எலிகளின் உடலில் இருந்த கட்டி இரண்டு வாரத்தில் மறைந்துவிட்டது. இந்த வைரஸ் புற்றுநோய் செல்களை அழிக்கிறது என்பது நிரூபிக்கப்பட்டுள்ளதால், மனிதர்களுக்கும் இந்த சோதனை நடத்தப்பட்டது. பிரிட்டனை தொடர்ந்து இந்தியாவில் இந்த சோதனை முதல் முறையாக தற்போது நடக்கிறது.

"China Approves World's First Oncolytic Virus Therapy For Cancer Treatment"

Oncolytic virus research got a welcome boost last November when Chinese regulators approved the world's first oncolytic viral therapy for cancer, Shanghai Sunway Biotech's genetically modified adenovirus H101.

"It's fantastic for the field," said John Bell, Ph.D., of the Ottawa Health Research Institute in Canada. "We needed to have something that was a success, and so I think this is a good first start."

"ALLAH KAREEM"

ஜப்பான் நிறுவனங்கள் எலக்ட்ரிக் கார் தயாரிக்க கூட்டுத் தொழில்நுட்பம்

ஜப்பானில் தயாரிக்கப்படும் எலக்ட்ரிக் கார்களை பிரபலப்படுத்த ஜப்பான் எலக்ட்ரிக் கார் தயாரிப்பாளர்கள் மற்றும் ஜப்பானிய கம்ªபனிகள் மற்றும் வெளிநாட்டுக் கம்பெனிகள் ஒன்று சேர்ந்து கூட்டு தொழில் நுட்ப கம்பெனி ஒன்றை உருவாக்கி உள்ளன.பருவநிலை மாற்றத்தினால் ஏற்படும் பாதிப்புகளுக்கு முற்றுப்புள்ளி வைக்க உலக நாடுகள் எல்லாம் முயற்சி செய்து வருகின்றன. இதன் ஒரு பகுதியாக பெட்ரோல், டீசல் கார்களுக்கு பதிலாக எலக்ட்ரிக் கார்களை கம்பெனிகள் தயாரித்து வருகின்றன. இதனால் பெட்ரோல், டீசல் செலவு குறைகிறது.

எலக்ட்ரிக் கார்களுக்கு மாறுவதன் மூலம் பெட்ரோல், டீசல் உபயோகத்தைக் குறைத்து அதன் மூலம் நச்சு வாயுக்கள் வெளியாவதைக் குறைக்க வேண்டும் என்பது ஜப்பானிய அரசின் பருவநிலை மாற்றக் கொள்கையின் முக்கிய அம்சமாக உள்ளது.டொயோட்டா, நிசான், மிட்சுபிஷி, ஃபியுஜி ஹெவி இண்டஸ்ட்ரிஸ், டோக்கியோ எலக்ட்ரிக் பவர் கம்பெனிய¤ன் பிரதிநிதிகள் டோக்கியோவில் கூடி இது குறித்து விவாதித்தனர். இந்தக் கம்பெனிகள் லீஃப் என்ற பெயரில் எலக்ட்ரிக் கார்களை தயாரித்து விற்க உள்ளன.

எலக்ட்ரிக் கார்களுக்கான ரீசார்ஜிங்கின் போது இருக்கவேண்டிய வோல்டேஜ், வேகம், தொழில் நுட்பம் ஆகியவைகளுக்கான ஒரே மாதிரியான தரநிலைகளை கூட்டுத் தொழில் நுட்ப நிறுவனம் உருவாக்கும். ஜப்பானுக்கான தரநிலைகள் வகுக்கப்பட்ட பிறகு அவை சர்வதேச தரநிலைகளாக மாற்றப்படும்.

பேராசிரியர் பெரியார் தாசன் இஸ்லாத்தைத் தழுவினார்

தமிழகத்தின் தலைசிறந்த பேச்சாளர்களில் ஒருவரும் பேராசிரியருமான முனைவர் பெரியார் தாசன் இஸ்லாத்தைத் தனது வாழ்வியல் நெறியாக ஏற்றுக் கொண்டார். அவர் இனி தனது பெயர் அப்துல்லாஹ் என்று அறிவித்தார்.

சென்னை பச்சையப்பன் கல்லூரியில் நீண்டக் காலம் தத்துவ இயல் பேராசிரியராக பணியாற்றி ஒய்வுப் பெற்றவர் பேராசிரியர் பெரியார் தாசன். திராவிடர் கழகத்தின் கொள்கையால் ஈர்க்கப்பட்டு நாத்திகராக வாழ்ந்த இவர் தனது இயற்பெயரான சேசாசலத்தை பெரியார்தாசன் என்று மாற்றிக் கொண்டார். சிறந்த மேடைப் பேச்சாளரான இவர் சிசுக் கொலைகள் குறித்த திரைப்படமான கருத்தம்மாவில் நடித்துள்ளார்.பல தொலைக்காட்சி நிகழ்ச்சிகளில் பங்குக் கொண்டு மக்களின் அபிமானத்தைப் பெற்றவர்.

சவூதி அரேபியாவின் தலைநகரான ரியாதிற்கு சென்ற வாரம் வருகை தந்த பெரியார் தாசன் அங்கு வைத்து இஸ்லாத்தைத் தழுவினார். நேற்று (மார்ச் 12) அன்று ரியாதில் நடைபெற்ற செய்தியாளர் சந்திப்பில் தான் இஸ்லாத்தைத் தழுவியதை அவர் பகிரங்கமாக அறிவித்தார். தான் பல மதங்களையும் ஆய்வு செய்ததாகவும் அம்மதங்களின் வேதங்கள் நேரடியாக இறைவனிடமிருந்து அருளப்படவில்லை என்றும் திருக்குர்ஆன் இறைவனிடமிருந்து அருளப்பட்ட வடிவில் இன்றும் பாதுகாப்பாக இருப்பதாகவும் அவர் தெரிவித்தார். நான் ஊரறிந்த நாத்திகனாக இருந்தேன். பிறகு மத நம்பிக்கை தான் இவ்வுலக மற்றும் மறுவுலக வாழ்விற்கு உகந்தது என்று உணர்ந்தேன். இந்த தேடல் என்னை இஸ்லாத்திற்கு அழைத்து வந்தது என்றும் அவர் ரியாதில் செய்தியாளர்களிடம் தெரிவித்தார்.

சனிக்கிழமை (மார்ச் 13) அன்று அவர் புனிதமக்கா சென்று உம்ரா நிறைவேற்றுகிறார்.

பெரியார் தாசன் தனது இஸ்லாத்தை தனது வாழ்வியலாக ஏற்றுக்கொண்ட செய்தி அறிந்து ரியாதில் இருந்த அவரிடம் தமுமுக தலைவர் பேரா.எம்.ஹெச். ஜவாஹிருல்லாஹ் தொலைப்பேசியில் தொடர்பு கொண்டு வாழ்த்து தெரிவித்தார். அப்போது பத்தாண்டுகளாக தனது உள்ளத்தில் ஏற்பட்ட முடிவை இப்போது தான் நிறைவேற்ற முடிந்தது என்று பெரியார் தாசன் குறிப்பிட்டார்.

அல்லாஹு அக்பர்.

பப்பாளி இலைச் சாறு புற்றுநோய் செல்களை அழிக்கிறது

உலர்ந்த பப்பாளி இலை தூளைக் கொண்டு தயாரிக்கப்பட்ட கசாயம் அல்லது வடி நீர் பத்து வெவ்வேறு வகையான புற்றுக்கட்டிகளின் செல்களைக் கொன்று அதன் வளர்ச்சியைக் குறைக்கிறது என புளோரிடா பல்க¬லைக் கழக ஆய்வாளர்கள் கண்டுபிடித்துள்ளனர். இதன் மூலம் பப்பாளி இலையிலிருந்து எல்லா வகையான புற்று நோய்களுக்கும் மருந்து தயாரிக்கும் வாய்ப்பு இருப்பது உறுதி செய்யப்பட்டுள்ளது.புளோரிடா பல்கலைக் கழக ஆய்வாளர் டாக்டர் நாம் தாங் மற்றும் ஜப்பானில் உள்ள ஆய்வாளர்கள் பப்பாளி இலையில் உள்ள வேதிய¤யல் பொருள்கள் புற்றுக்கட்டிகள் மீது என்ன பாதிப்பை ஏற்படுத்துகின்றன என ஆய்வுகளை நடத்தி வருகிறார்கள். ஆய்வுக்காக பப்பாளி இலையை காய வைத்து இடித்து பொடியாக்கினர். அந்த பப்பாளி இலைத் தூளை கொதிக்கும் வெந்நீரில் போட்டு அதில் இருந்து வடி நீர் தயாரித்தனர்.

ஏற்கெனவே ஆய்வகங்களில் செயற்கையாக உருவாக்கப்பட்ட செர்வைக்ஸ், மார்புப் புற்று, ஈரல் புற்று, நுரையீரல் புற்று, கணையப்புற்று போன்ற 10 வகை புற்றுக்கட்டிகள் மீது நான்கு திறனிலைகளில் தயாரிக்கப்பட்ட இந்த வடிநீரைச் செலுத்தி சோதனை செய்தனர். எல்லா புற்று நோய்க்கட்டிகளின் வளர்ச்சி வேகமும் குறைந்தது உறுதி செய்யப்பட்டுள்ளது. வடி நீர் செலுத்தப்பட்ட 24 மணி நேரத்துக்குப் பிறகு புற்றுக் கட்டிகளை சோதிக்கும் புற்று நோய்க்கட்டிகன் வளர்ச்சி குறைந்ததை அறிந்தனர். எவ்வளவு வடி நீர் அதிகமாக ஒரு புற்றுக்கட்டிக்கு தரப்பட்டதோ அந்த அளவுக்கு புற்றுகட்டிகளின் வளர்ச்சி குறைவாக இருந்தது.
பப்பாளி இலை வடி நீர் எப்படி புற்றுக்கட்டிகளின் வளர்ச்சியைக் குறைக்கிறது என்பதை அறிய லிம்போமோ வகைப் புற்றுக்கட்டிகளில் ஏற்படும் பாதிப்புகள் குறித்து ஆய்வுகள் செய்யப்பட்டன. புற்றுக்கட்டிகள் வளரக் காரணமான செல்கள் தாமாகவே அழிய தேவையான தூண்டுதலை பப்பாளி இலைவடிநீர் தருவதாகக் கண்டறிந்துள்ளனர்.

சிறந்த நினைவு பரிசாம் பாண்டா கரடி சாணிக்கு ஆஸ்திரேலியாவில் மவுசு...??

ஆஸ்திரேலியாவில் பாண்டா கரடிகளின் சாணியை நினைவுப் பரிசாக வைத்திருப்பதை பலர் பெருமையாக கருதுகின்றனர். எனவே, 200 கடைகளில் விற்பனை தூள் பறக்கிறது.
ஆஸ்திரேலியாவின் அடிலெய்டு நகரில் வனவிலங்கு பூங்கா உள்ளது. அங்கு சீனாவில் இருந்து கொண்டு வரப்பட்ட 2 பாண்டா கரடிகள் உள்ளன. பெயர் வாங் வாங், ப்யூனி. அவற்றுக்கு சீனாவில் இருந்து சிறப்பு மூங்கில் இலைகள் விமானத்தில் வரவழைக்கப்பட்டு உணவாக தரப்படுகின்றன.

இந்த பாண்டா கரடிகளைக் காண அடிலெய்டு மக்களும், ஆஸ்திரேலிய சுற்றுலா பயணிகளும் அதிக ஆர்வம் காட்டுகின்றனர். இதையடுத்து, வெளிநாட்டில் இருந்து உணவு வரவழைக்கப்படும் பாண்டா கரடிகளின் சாணியை பெற்று நினைவுப் பரிசாக சிலர் வைத்துக் கொள்ளத் தொடங்கினர்.அதற்கு மவுசு அதிகரித்து விட்டது. இப்போது பாண்டாவின் ‘டூ பாத்ரூமை’ கேட்டு ஆயிரக்கணக்கானோர் அடிலெய்டு வனவிலங்கு பூங்காவுக்கு படையெடுக்கின்றனர்.

இதுபற்றி பூங்கா செயல் அதிகாரி கிறிஸ் வெஸ்ட் கூறுகையில், “பாண்டா கரடிகளின் கழிவுகளை பாக்கெட் செய்து விற்கிறோம்.இதற்காக அடிலெய்டு நகரில் 200 விற்பனை மையங்கள் திறக்கப்பட்டுள்ளன. அதில் கிடைக்கும் வருமானமே, சீனாவில் இருந்து உயர்ரக மூங்கில் இலைகளை வரவழைத்து கரடிகளுக்கு உணவாக அளிக்க உதவுகிறது” என்றார்.

என்ன கொடுமை சார் இது....!!

எம்.பி. பதவியை இழந்தாலும் மன்னிப்பு கேட்க மாட்டோம்..

மாநிலங்களவையில் இருந்து இந்த கூட்டத் தொடர் முழுவதும் சஸ்பெண்ட் செய்யப்பட்ட ஏழு எம்.பி.க்களில் கமல் அக்தர் (சமாஜ்வாடி) இஜாஜ் அலி (கட்சி சாராதவர்) ஆகிய இருவரும் நேற்று நாடாளுமன்ற வளாகத்துக்கு வந்திருந்தனர். நிருபர்களிடம் அக்தர் கூறியதாவது:

பிற்படுத்தப்பட்ட, தாழ்த்தப்பட்ட மற்றும் சிறுபான்மை பெண்களுக்காகவே நாங்கள் சபையில் குரல் கொடுத்தோம். இதற்காக நாங்கள் ஏன் மன்னிப்பு கேட்க வேண்டும். எம்.பி. பதவியை இழந்தாலும் மன்னிப்பு கேட்க மாட்டோம். நாங்கள் நாடாளுமன்ற உறுப்பினர்கள். மக்கள் கருத்தை சபையில் தெரிவிக்க எங்களுக்கு உரிமை உண்டு. உண்மையில் தாழ்த்தப்பட்ட, பிற்படுத்தப்பட்ட, முஸ்லிம் பெண்களிடம் இந்த அரசாங்கம் தான் மன்னிப்பு கேட்க வேண்டும். சஸ்பெண்ட் செய்வதற்கான தீர்மானம் அரசாங்கத்திடம் இருந்து தான் வந்தது. சபைத் தலைவரிடம் இருந்து வரவில்லை. இது அரசாங்கத்தின் சர்வாதிகாரம். எங்களை பலவந்தமாக வெளியேற்றி இருக்கிறார்கள். இவ்வாறு அவர் கூறினார்.

இஜாஸ் அலி கூறுகையில், ‘‘சபைக் காவலர்களை வைத்து எங்களை வெளியேற்றிதற்காக இந்த அரசாங்கம் தான் தேசத்திடம் மன்னிப்பு கேட்க வேண்டும். நாங்கள் மன்னிப்பு கேட்க வேண்டும் என்பதை ஏற்க முடியாது. அவர்கள் தவறான மசோதாவைக் கொண்டு வந்தார்கள். அதை தடுத்த காரணத்திற்காக நாங்கள் சஸ்பெண்ட் செய்யப்பட்டதில் மகிழ்ச்சி அடைகிறோம். பிற்படுத்தப்பட்ட, தாழ்த்தப்பட்ட, சிறுபான்மை பெண்களுக்கு இடஒதுக்கீடு அளிப்பதை எதிர்ப்பதில் காங்கிரஸ், பா.ஜ, இடதுசாரிகள் ஒன்று சேர்ந்திருப்பது கண்டிக்கத்தக்கது’’ என்றார்.

இன்னொரு முறை வலம்: பன்றிக் காய்ச்சல் பீதி நீடிப்பு...

வாஷிங்டன்: "பன்றிக் காய்ச்சல் நோய் மறைந்தாலும், அது மூன்றாவது மற்றும் நான்காவது கட்டங்களாக பரவ வாய்ப்பு உள்ளதாக, அமெரிக்காவில் நிபுணர்கள் அச்சம் தெரிவித்துள்ளனர்' என, வாஷிங்டன் போஸ்ட் என்ற பத்திரிகை செய்தி வெளியிட்டுள்ளது.

"வாஷிங்டன் போஸ்ட்' என்ற பத்திரிகை வெளியிட்டுள்ள செய்தி: கடந்தாண்டு உலகம் முழுவதும் பல்வேறு நாடுகளில் பன்றிக் காய்ச்சல் நோய் பரவியது. ஏராளமானோர் இந்நோயின் தொற்றுக்கு ஆளாகினர்; பலர் இந்நோய்க்கு பலியானார்கள். கடுமையான சுகாதார கட்டுப்பாட்டு நடவடிக்கைகளுக்கு பின், பன்றிக் காய்ச்சல் நோய் பரவுவது கட்டுப்படுத்தப்பட்டது. எனினும், தற்போது அந்நோய், மூன்றாவது மற்றும் நான்காவது கட்டங்களாக பரவும் வாய்ப்பு உள்ளதாக, அமெரிக்காவை சேர்ந்த நிபுணர்கள் அச்சம் தெரிவித்துள்ளனர். இவ்வாறு அந்த பத்திரிகையில் கூறப்பட்டுள்ளது.


அமெரிக்க நோய் கட்டுப்பாடு மற்றும் தடுப்பு மையத்தை சேர்ந்த அன்னி சூசெட் கூறுகையில்,"நாம் முழுமையாக, அந்நோயின் பாதிப்பில் இருந்து வெளியில் வந்து விட்டோம் என கூற முடியாது. அந்நோய்க்கான எச்1என்1 வைரஸ் இன்னும் பரவிக் கொண்டு தான் உள்ளது. ஆனால், அவை எந்தளவிற்கு பெரியளவில் பரவும் என்பதை முன்னரே தெரிவிக்க முடியாது' என்றார்.

செக்ஸ் சாமியார் நித்யானந்தா பெண்களை கட்டியணைத்து ஆசிர்வதிப்பது ஏன்?

நித்யானந்தம் நிகழ்ச்சி நடத்தும் போது அதில் முன்வரிசையில் நடிகைகள், முக்கிய விஐபிக்களின் மனைவிகள், அவர்களது மகள்கள் அமர வைக்கப்பட்டுள்ளனர். இதற்கு ஆசிரம நிர்வாகிகளிடம் முன் அனுமதி பெற்று, அனுமதி சீட்டு பெற வேண்டும். அந்த சீட்டையும் பல ஆயிரம் ரூபாய்க்கு விற்றுள்ளனர்.

உபதேசம் முடிந்ததும், பக்தர்களுக்கு ஆசி வழங்குவார் நித்யானந்தா. அப்போது, ஆசி பெறும் பெண்களை தேர்வு செய்வார். அவர்களை கட்டிப் பிடித்து ஆசிர்வதிப்பார். அப்போது அந்த பெண்களின் மனநிலை எப்படி உள்ளது, கூச்சப்படுகிறார்களா, சாதாரணமாக உள்ளார்களா என்பதை வீடியோவில் பார்ப்பார். பின்னர் நிர்வாகிகள் மூலம் அவர்களை போனில் தொடர்பு கொண்டு, உங்களுக்கு பிரச்னை இருப்பதை கட்டிப் பிடிக்கும் போது பார்ப்பேன். அடிக்கடி தியானத்துக்கு வந்தால், பிரச்னைகள் தீரும் என்று கூறியுள்ளார்.

அவ்வாறு பல முக்கிய பெண்களுக்கு வலை விரித்துள்ளார். பெண்கள் அவரது அறைக்கு சென்று ஆசீர்வாதம் வாங்கும்போது யாரும் உள்ளே செல்ல மாட்டார்கள். இது அவருக்கு வசதியாகி விட்டது. அப்போது பெண்களின் மனதை தெரிந்து கொண்டு தன் வலையில் வீழ்த்தி வந்தார். இவரது வலையில் பல நடிகைகளும் வீழ்ந்துள்ளனர். அவர்களிடம் நித்யானந்தா பணம் பறித்தாரா அல்லது அவர்கள் நித்யானந்தத்திடம் பணம் பறித்தார்களா என்பது குறித்து விசாரணை நடக்கிறது.

சென்னையில் உள்ள சில நடிகைகள் தொடர்பு பற்றியும், ஆசிரமத்துக்கு வந்த நன்கொடைகள் மற்றும் அதை அவர் முறையாக பயன்படுத்தினாரா என்பது குறித்தும் தீவிர விசாரணை நடக்கிறது. வருமான வரித் துறைக்கு முறையான தகவல்களை அளித்துள்ளாரா என்பது பற்றி விசாரணை நடத்தப்படும். அதில் தவறு நடந்திருந்தால் வருமான வரித் துறை அதிகாரிகளுக்கு தகவல் தெரிவிக்கப்படும்.

நித்யானந்தா எங்கிருக்கிறார் என்பது தெரியவில்லை. அவருடைய இருப்பிடத்தை கண்டறிய பல மாநில போலீசுக்கு தகவல் தெரிவிக்கப்பட்டுள்ளது. அவரை பற்றிய தகவல் தெரிய வந்தால் கைது செய்து விசாரிக்க போலீசார் முடிவு செய்துள்ளனர். பாலியல் குற்றச்சாட்டு, கொலை மிரட்டல் குறித்த வழக்கு பெங்களூருக்கு மாற்றப்பட்டாலும், நாங்களும் விசாரணை நடத்தி அவர்களுக்கு தேவையான தகவல்களை தெரிவிப்போம்.
இவ்வாறு போலீஸ் தரப்பில் தெரிவித்தனர்.